Mein Haqeeqat Houn Samajhtey Hein

Mein Haqeeqat Houn Samajhtey Hein Woh Afsaana Mujhey,
Khud Jalaatey Hein Bana Kar Apna Parwaana Mujhey,

Gardash-e-Dauraan Se Kehdo Housh Ke Baatein Karey,
Gham Ke Toofaanoun Se Bhi Aata Hey Takraana Mujhey,

Un Se Un Ki Bazm Mein Itna Hi Keh Ke Uthh Gaya,
Raunaqein Tum Ko Mubarak Aur Veeraana Mujhey,

Jaaney Kya Aadmi Tha, Na-Aashna Lagta Tha Woh,
Kar Gaya Sarey Shanasaaoun Se Be-Gaana Mujhey,

Aisey ChhupChhup Kar Kahan Tak Zahmat-e-Jalwa- Gari,
Hashar Jo Bhi Ho, Nazar Aa Be-Hijabaana Mujhey,

Meri Tark-e-May Kashi Per, Meri Har Tauba Ke Baad,
Ehtiraaman Leney Aaya Meer-e-May Khaana Mujhey,

Har Naye Saaqi Ne Uff! Hasb-e-Riwayat He Diya,
Meray He Khoon-e-Jigar Se Bhar Ke Pemaana Mujhey,

Dekh Kar Iss Dil Ki Thandi Aag Mein Jaltey Howye,
Hogay Rukhsat Dua’ayen De Ke Parwana Mujhey.

Barishon K Mausam Mein

Barishon K Mausam Mein,

Waqt K Andheron Mein,

Mene Usse Pocha Tha,

Chorr To Na Jao Gay,

Hath Tham Kar Usne,

Kaan Mein Ye Bola Tha,

Kese Chor Sakta Hon,

Tum To Jaan Ho Meri,

Aur Aaj Aisa Hai,

Waqt Ki Tamazat Mein,

WehShton K Mausam Mein,

Mene Usse Pocha Hai,

Chor Kar Hi Jana Tha,

Muskurati Galion Mein,

Aas Q Dilayi Thi,

Pyas Q Jagayi Thi,

Mere In Sawalon Per,

Chalte Chalte Wo Bola,

Mausam Ki Adat Hai Waqt Pe Badal Jana.

KOI TO HOTA

KOI TO HOTA,
mai jis k dil ki kitaab benta,
mai jis ki chahet ka khawab benta,
mai hijr k mosem ki lembi raaton mein,
yaad ben ker azaab benta
KOI TO HOTA,

jo meri khawahish mein uthh ker raaton ko khoob rota,
dukhon ki chader lapeit ker hajoom_e_dunya se door hota,
mai rooth jata manata mujh ko,
k chahe mera kasoor hota
KOI TO HOTA,

mai jis k itna kareeb hota,
na paas koi rakeeb hota,
mai itna uus ka habeeb hota,
ye silsila bhi ajeeb hota
KOI TO HOTA.

Agar kabhi koi lamha Aisa zakhm de jaye

Agar kabhi koi lamha
Aisa zakhm de jaye,
K koi bhi marham us,
Zakhm ko na bher paye,
Tum udas mat hona,
Mehv-e-yaas mat hona,
Zindgi k sub mausam,
Aik se nahi hote,
Saray log ay humdum,
Aik se nahi hote,
Zindgi ki rahon main,
Hadsey bhi atey hain,
Hadson se barh ker kuch,
Waaqay bhi atay hain,
Waqt k hi marhum se,
Zakhm bher bhi jatay hain,
Din buray hon ya achay,
Bus guzer hi jatay hain,
Waqt ko guzerna hai,
Zakhm ko bhi bherna hai,
Dard k charhay derya,
Ko abhi uterna hai,
Tum udas mat hona,
Mehv-e-yaas mat hona.

Agar wo pyaar kar laiti

Agar wo pyaar kar laiti,
Maira daaman pakaR laiti,
To jeevan main faqat us say,
Mohabbat farz ho jaati,
Mohabbat qarz ho jaati
Magar,
Acha kiya us nay,
Mujhay samjha kay chal nikli,
Mujhay thukra kay chal nikli,
Bohat nadaan si hay wo,
Abhi anjaan si hay wo,
Kahan ma’loom hay us ko,
Mohabat zindagi main bus,
Faqat ik baar milti hay,
Agar thukra kay chal niklain,
To umrain beet jaati hain,
Mohabbat ki tamanna main,
Magar
Har ik rastay pay,
Sirf ruswaaii milti hay,
Faqat tanhaaii milti hay.

Aaj Ek dost ne kaha tu shadi

Aaj Ek dost ne kaha tu shadi kis se karega,
Maine kaha main shadi shuda hon,
Kehne laga kon hai tera jeevan sathi,
Maine kaha yadein hain kisi ki,
Kehne laga kis ne parhaya tha nikah,
Maine kaha mustaqbil k khawabon ne,
Wo bola kaisi guzar rhi hai zindagi,
Main bolne hi wala tha k ankhon se aansu chalak pare,
Wo bola use chor q nahi deta,
Maine kaha haq-mehar meinapni zindagi likhi hui hai.

Chala Gaya Mujhay Chor Kar

Chala Gaya Mujhay Chor Kar,
Wohi Aaj Tak Mere Saath Hai,
Mera Nam Tak Jo Na Lay Saka,
Jo Mujhay Qarar Na Day Saka,
Jissay Ikhtiyaar Tau Tha Magar,
Mujhay Apna Pyar Na Day Saka,
Wohi Shakhs Meri Talassh Hai,
Wohi Dard Mera Hayaat Hai,
Jo Chala Gaya Mujhay Chor Kar,
Wohi Aaj Tak Meray Saath Hai.

Main Bhool Jaoon Tumhay Ab

Main Bhool Jaoon Tumhay Ab Yahi Munasib Hai,
Mager Bholana Bhi Chahon To Kis Tarah Bholoon,
Ke Tum Tu Phir Bhi Haqeeqat Ho Koi Khuwab Nahi,
Yahan To Dil Ka Yah Aalam Hai Kya Kahoon,
Bhola Saka Na Yah Wo Silsala Jo Tha He Nahi,
Wo Ak Khayal Jo Aawaz Tak Gia He Nahi,
Wo Aik Baat Jo Main Kah Na Saka Tum Say,
Wo Aik Rabt Jo Ham Main Kabhi Raha He Nahi,
Mujhay Hai Yaad Wo Sab Jo Kabhi Howa Hi Nahi,
Ager Yah Haal Hai Dil Ka Tu Koee Samjhaye,
Tumhe Bhulana Bhi Chahoon Tu Kis Tarah Bholoon,
Ke Tum Tu Phir Bhi Haqeeqat Ho Koi Khawb Nahi.

Raat Uss ne Poocha tha

Raat Uss ne Poocha tha,
Tum ko Kaisi Lagti Hai,
Chandni December ki,
Main ne Kehna Chaha Tha,
Saal-o-Maah ke Baarey mein,
Guftagu ke Kya Maani,
Chahey koi Manzir ho,
Dasht ho , Sumnadar ho,
June ho , December ho,
Dharkanoo’n ka Har Naghma,
Manzaroo’n pe Bhaari hai,
Saath Jab Tumhara Ho,
Dil ko Ik Sahara ho,
Aisa Lagta hai, jaise,
Ik Nasha sa Taari hai,
Lakin Uss ki Qurbat mein,
Kuch Nahi Kaha Main ne,
Takti Reh gayi Mujh ko.

Yeh tum se keh diya kis ne

Yeh tum se keh diya kis ne,
Kay tum bin reh nahi saktay,
Yeh dukh, hum seh nahi saktay,
Chalo, hum maan laitay hain,
Kay tum bin, hum buhat roye,
Ke raaton ko na soye,
Magar, afsos hai jana,
Kay ab kay tum jo louto gey,
Humain tabdeel paao gey,
Buhat mayoos hogey tum,
Kay agar poochhna chaho kay,
Aisa kyon kiya hum ne,
To sunn loo ghour se jana,
Poorani eik riwaayat tang aa ker tor di hum ne,
Mohabbat chhour di hum ne,
Haan,
Mohabbat choour di hum ne

Page 20 of 2,115« First...10...1819202122...304050...Last »